Pilansberg Nasionale Park: Wildrit

'n Halfpadverversingstop

ATKV-oord: Buffelspoort

Volg die pyl na 'n heerlike vakansie saam met die buffels van Buffelspoort!

Klik HIER vir foto's van Buffelspoort. 

Kroondal: Lentevlooitjie

Lentevlooitjie se eie donkie wat oor die onderdeur loer!

Klik HIER vir nog foto's!

Dikhololo: 'n gesinsgeoriënteerde vakansieoord

Dikhololo is op 'n gesinsgeoriënteerde vakansieoord op 'n wildplaas net minder as 'n uur se ry vanaf Hartebeespoort en dit bied 'n onvergeetlike eko-ervaring. Die oord spog met wêreldklasgeriewe wat die Body Bliss Day Spa en 'n restaurant en kroeg met 'n lisensie, insluit. Diere soos kameelperde, bokke en sebras loop vrylik rond en daar is ook talle voëlspesies.

Die oord het 'n aantal aparte kampe waarvan die meeste hulle eie swembaddens het. Die selfsorg-eenhede het elkeen hulle eie braaigeriewe en die oord het ook 'n groot hoofarea met 'n restaurant en kroeg. Elke eenheid beskik oor 'n TV met sekere DStv-kanale, linne en badhanddoeke.

Die oord spog met 'n waterwurm, verhitte swembad, 5 tennisbane en 2 muurbalbane. Dikhololo bied ook konferensie- en spanbou-geriewe, sowel as 'n klein winkeltjie, klimraam, pool-tafel, lapa, speelgrond, putt-putt-baan, tafeltennis, vlugbalbaan en geskenkwinkel.

Die wildreservaat is 'n paradys vir natuurliefhebbers en gaste kan diere soos kameelperde, sebras, elande, blouwildebeeste, rooihartebeeste, koedoes en rooibokke van nader beskou.

Klik HIER as jy graag hierdie wildreservaat wil besoek.

Klik HIER vir 2024-foto's van Dikhololo! 

Saterdag: Ons Dikhololo-tradisie

Ons moes ons roomys-etery saam met ons tweede laaste wildrit kombineer, want die tyd was nie aan ons kant nie. 

Klik HIER vir nog Dikhololo-foto's.

Wolke: die spookasem en malvalekkers van die hemelruim

Klik HIER vir nog wolkfoto's.

Dikhololo - my hartsplek

... die plek waar ek my as in die wind gestrooi wil hê, sodat ek elke dag 'n blik oor die diere van die veld kan hê ... vir altyd!

Klik HIER vir 2024 se Dikhololo-foto's.

Telefone - 'n seën of 'n vloek?

Lank voordat ene Martin Cooper in 1973 die eerste selfoonoproep in New York gemaak het, het heelwat huishoudings in die land Telkom-landlyne gehuur.

'n Eenvoudige instrument, maklik om te gebruik, selfs 'n bobbejaan sou dit kon gebruik. Rekeninge is stiptelik ontvang en betaal. Vir jare was hierdie telefone 'n bron van gerief en vreugde - die lewe was 'n lied.

Net soos die Covid 19-pandemie jare later in 2020, het allerhande tegnologiese katoeters die aardbol getref, waaronder die selfoon. Deesdae besit feitlik almal op twee bene wat asemhaal selfone, van bogsnuiters tot oupa en ouma. Díé noodsaaklikheidjie het baie voordele , maar ook baie nadele: mense teister mekaar met allerhande lastighede, vir baie mense het dit in 'n verslawing ontaard, hulle gebruik dit soos 'n draagbare suurstofsilinder waarsonder hulle nie kan asemhaal nie. Jammer; gun elke diertjie sy plesiertjie.  

Dan is daar die bittereinders wat vir lewe en dood steeds klou aan die Telkom-fone. Ek is een van dié bittereinders omdat ek tegnologies gestrem is. 

Geleidelik het die Telkom-landlyn aan die einde van sy getaande oorheersing gekom. Kabels is gesteel en vervang, telefone is soms vir weke en selfs maande buite werking. 

Dan die gevreedsde dag: kabels is nie meer beskikbaar nie en summier weg met dié fone.

Wat nou? Die nuwe Telkom FLLAWi-fi-phone met hotspot capabilities word op ons afgedwing. 

Die bron van gerief en vreugde verander in 'n bron van frustrasie, pyn en lyding.

Iewers het iemand nie net my foon se capabilities vasgelê nie, maar ook die basiese funksies van oproepe maak en ontvang. My foon word 'n bidfoon.

Vóórdat jy 'n oproep maak of ontvang, bid jy eers en as jy na vele pogings suksesvol is, dan sê jy dankie, ook omdat jy nie een of ander toeval gekry het nie, en dat jou lewe gespaar is.

My lys van matrooswoorde het aansienlik aangegroei. Padwoede ... foonwoede!

Maar bidfoon, jy het aan die einde gekom van jou mensekastyding, jy gaan terug na waar jy vandaan gekom het, heel waarskynlik 'n Telkom-stoorkamer of jy gaan, soos die lappop ook op 'n ashoop beland. Ek is jammer, ek wou jou gebruik, geniet en waardeer het, maar jy het dit onmoontlik gemaak. Vaarwel dus, rus in vrede.

Ek het darem 'n goedkoop armmanselfoon maar ook met 'n probleem - hy moet aanhoudend gelaai word. As dit kos was wat hy elke keer gevoer is, was hy teen hierdie tyd so groot soos 'n 32"-platskermtelevisie. (flat screen)

Maar feite is feite : ek is in die verkeerde eeu gebore. Ek sou beter gevaar het saam met die Voortrekkers oor die Drakensberge. Hierdie verligte een, met sy ingewikkelde, intimiderende vooruitgang en my breinselle is nie op dieselfde golflengte ingestel nie en so sal dit bly tot in lengte van dae. 

Sound of music - Monte Casino

'n Magaliespark-inwoner kom wys oë

Klik HIER vir nog foto's.

Magaliespark en omgewing - so 'n bietjie agtergrond

Hendrik Schoeman (later generaal) het 'n plaas met die naam Hartbeespoort besit. Gedurende 1896 het hy die damwal in die Krokodilrivier begin bou, naby die spoorlyn wat vandag na Meerhof loop. 

Hendrik Schoeman het in 1898 die eerste “grootskaalse” dam van klip en sement gebou en die hele Krokodilrivier in die Witwaterspoort opgedam. Hierdie ambisieuse skema, wat hy die Sophiadam genoem het, het hom 'n fortuin van £10 000 gekos. Hy het die dam Sophiadam genoem, na sy vrou - maar die naam is later na Hartbeespoort verander.

Interessante kort feite:
1. Die vorm van hierdie damwal sal jy nêrens elders in die land kry nie.

2. Daar is 250 000 sakke sement gebruik om die damwal te bou.
3. Daar is 205 miljoen kubieke water in die dam as die dam vol is.

 

Die oorsprong van Magaliespark-oord dateer so ver terug as 1920 toe dit as 'n melkplaas aan die voet van die majestueuse Magaliesberge in die Noordwes Provinsie bedryf is. Sedert sy visioenêre transformasie in 'n tyddeel-oord in 1986, het Magaliespark ontwikkel tot 'n gesogte gesinsvakansiebestemming in Suid-Afrika.

Magaliespark, oorspronklik bekend as Riverbend Farm, het iets van 'n verandering ondergaan van 'n veeteelplaas tot die tyddeel- en gholflandgoed wat dit vandag is. Die belangrikste ster van die skou wanneer jy hier bly, is egter die ewige majesteit van die Magaliesberg. Alhoewel die konsekwent blou lug en die permanente teenwoordigheid van water in geen geringe mate bydra nie.

Is Magaliesburg ouer as Mount Everest? Die Magaliesberg-bergreeks, is een van die oudste bergreekse op aarde - na raming 100 keer ouer as Mount Everest. Dit strek oor 120 km van Pretoria tot Rustenburg. First Group Magalies Park is in Hartebeespoort, Noordwes, 'n area wat bekend is vir voetslaanroetes, pragtige landskappe en ikoniese besienswaardighede soos die kabelkarretjie, Hartebeespoort se damwal, en die leeu- en safaripark. 

Dit is die ideale plek vir diegene wat op soek is na 'n wegbreek uit die stad.

Die eenhede sluit die hotelkamer, eenslaapkamer-chalet, tweeslaapkamer-chalets, drieslaapkamerwoonstel en superior tweeslaapkamer-chalet en die vierslaapkamer-villa in. Al die eenhede het gemaklike beddens, 'n badkamer met 'n stort of 'n bad, 'n stoep en 'n privaat ingang,

Ander geriewe sluit 'n swembad, konferensiegeriewe en veilige parkeerplek in. Gaste kan op die perseel hengel, bergsfietsry, tennis speel, fietsry en swem.

Aktiwiteite in die omgewing sluit hengel, bergfietsry, tennis, fietsry en swem in.

Bron: Klik HIER vir meer inligting.

Klik HIER vir meer inligting oor die geskiedenis van die dam.

Ons Valentynsdagbootvaart

Eseltjiesrus-nuus

Wil jy 'n daadwerklike verskil maak? Klik HIER om die volledige nuusbrief te lees!!