Kiekieblikvreugdes: 2021

Aan my familie, vriende en alle eseltjieliefhebbers

Die verskil is liefde ...

Gaan kuier vir YoYo hier!
Maak 'n draai hier vir nog video's.

'n Saterdagkuiertjie by Eseltjiesrus

Eseltjiesrus is meer as 'n donkie "sanctuary". Die plek waar mense met groot liefde vir die weggooidonkies van die lewe 'n tweede kans gee. Die woord "sanctuary" kan onder andere vertaal word met reservaat of heiligdom. En na my besoek Saterdag wil ek graag Eseltjiesrus met die laaste woord assosieer. Maar dis nie net donkies wat baat by besoekers nie, besoekers ervaar ook vreugde uit hierdie besoeke. In hierdie Covid-19-tyd waarin ons amper sosiaal afgestomp en apaties leef, kan 'n mens oneindige vreugde en energie uit die wyses, met hul sensitiewe aanvoeling, put.

ONS PA

Pa jy het diep spore in ons lewens getrap.
Ons geleer van harde werk en lojaliteit.
Jy het nooit een dag jou pligte verslap.
Ons nooit oor enige iets verwyt.

Getrou was jy aan jou Here en jou gesin.
In al die swaarkryjare het vas gestaan.
Jy was altyd getrou op jou pos deur dik en dun.
Met eerbare beginsels het jy deur die lewe gegaan

Jou dogter sou graag 'n man soos jy wou gehad het.
Jou seuns sou graag 'n pa soos jy wou wees.
Die herinneringe wat jy nagelaat het.
Bly in ons almal se harte en gees.

Ons mis jou nog pappa na al die jare.
Ons tel nog jou ouderdom waar jy nou sou wees.
Vir ons het die verlede met jou groot waarde.
Ons mis pa nou in hierdie tyd van Covidvrees.

[Tom de Koker]

Teater: My Oom se Vrou se Plekkie

Gaan loer HIER na my uitstappie na die Atterbury Teater.

PA

Meisie, Tom en Fanie by ons pa.

Pa ek skryf hierdie gediggie vir jou
en ek dink dat jy dit daar ver steeds weet.
In ons harte sal ons jou altyd onthou,
hoe sal ons ooit so 'n wonderlike Pa vergeet.

Pa ons het so baie by jou geleer,
van liefde en omgee en van respek en eer.
Van kleins af het jy ons van Jesus vertel
en ons geleer van die skepping, hemel en die hel.

Pa jy het ons geleer om altyd eerlik te wees
en dat dit nie 'n skande is om arm te wees nie.
Van kleins af het jy vir ons uit die Bybel gelees.
Ons geleer om nie minderwaardig te wees nie.

Pa ons het jou nooit hoor harde woorde vir moeder sê.
Ons weet jy het haar lief gehad met jou hele hart.
Die dag toe moeder by Jesus se voete gaan lê,
kon ons sien hoe het jy getreur met pyn en smart.

Pa ons het gesien hoe jy hunker en verlang.
Jou lewensmaat kon jy nooit vergeet.
Niemand sou ooit haar plek kon vervang.
Julle twee se lewens was saam afgemeet.

Pa ons dink nog jaar na jaar aan jou.
Ons herdenk nog elke jaar jou dood.
Jou verjaarsdag sal ons gereeld onthou.

Ons verlange en die gemis bly groot.

[Tom de Koker]

Broer Tom vra: ...

Hoe kunstig was my Moeder?

Dit gaan baie, baie jare terug. Haar vermoë om met 'n naald en gare te toor. Hoe sy Meisie se rokkies gesmok het en al ons kleertjies gemaak het.

Sy was 'n baasbakster. Van kleinkoekies tot die grootste gebak. Vrugtekoeke was haar spesialiteit. Sy het ouboet Theo se troukoek gebak. Die versierings in daardie tyd, was troukoeke met vlerkies. Sy het elke laag se vlerkies presies dieselfde gemaak.

Sy het verskeie toekennings by die VLU gekry vir haar bakwerk. Sy het ook haar ander twee seuns se troukoeke gebak. Sy was ook 'n spesialis met haar koeksisters. Sy kon maklik sestig dosyn koeksisters vir 'n kerkbasaar bak en al sestig was ewe groot.
Koekversierings het sy met soveel passie aangepak, dat elke vrugtekoek 'n wenner was.
In haar kombuis was sy die koning. Sy het selfs Allen Park se tuiste se kombuis behartig en maaltye vir 5o tot 60 mense voorberei.

Sy het later jare in haar aftreetyd met houtsneewerk begin. Ook daarvan het sy 'n reuse sukses gemaak.
Sy het verskeie muurhorlosies gemaak, kapstokke, sleutelhouers, hoekrakke en spieëls.
Geen uitdaging was vir haar te groot nie.

Sy was voorwaar kunstenaar in haar eie reg.