Brixton sal nie in 'n reisgids geadverteer kan word met al die byvoeglike naamwoorde en werkwoorde wat 'n dorpie by die see byvoorbeeld te beurt sou val nie. Die holrug geryde goue strande, snorkeldiepsee- of rivierhengel, vlieërbrandery en watersport is nie van toepassing op Brixton nie. Maar Brixton se sonsondergange kan egter enige tyd meeding met die sonsondergange by die see.
George R. R. Martin het gesê dat as die son ondergaan, kan geen kers dit vervang nie.
Die tragiese is dat met al die misdaad die nuwe dag nie noodwendig vir die inwoners van Brixton beskore is nie. Elektriese heinings, lemmetjiesdraad, alarms en hoë mure hou nie die diewe uit nie, slegs die mooi natuurskoon, want in jou sel met 'n straatadres, moet jy liefs binnebly.
No comments:
Post a Comment